នីកះមុតអះមានន័យថា ការរៀបការបណ្តោះអាសន្នក្នុងរយៈពេលកំណត់មួយដោយកំណត់រយៈពេលលែងលះច្បាស់លាស់ជាថ្នូរនឹងទ្រព្យឬលុយកាក់។
ការរៀបការបែបនេះត្រូវបានអនុញ្ញាតនៅក្នុងដំណាក់កាលដំបូងនៃសាសនាឥស្លាមហើយក្រោយមកច្បាប់អនុញ្ញាតនេះត្រូវបានលុបចោលវិញហើយវាក៏ក្លាយជាបម្រាមនិងត្រូវបានហាមឃាត់នៅក្នុងសាសនាឥស្លាមរហូតដល់ថ្ងៃបរលោក។
រ៉ស៊ូលុលឡោះ(ﷺ)បានមានប្រសាសន៍ថា:
((يا أيُّها النَّاسُ، إنِّي قدْ كُنْتُ أذِنْتُ لَكُمْ في الاسْتِمْتاعِ مِنَ النِّساءِ، وإنَّ اللَّهَ قدْ حَرَّمَ ذلكَ إلى يَومِ القِيامَةِ…)). رواه مسلم : ١٤٠٦
មានន័យថា: “ឱមនុស្សលោកទាំងឡាយ! ពិតណាស់ ខ្ញុំធ្លាប់បានអនុញ្ញាតអោយពួកអ្នកក្នុងការទាញយកភាពរីករាយពីស្រ្តី(នីកះមុតអះ) ហើយពិតណាស់អល់ឡោះបានហាមឃាត់វាហើយរហូតដល់ថ្ងៃបរលោក”។ (មូស្លីម : ១៤០៦)
អាលី កូន អាពូត៏ឡិប(رضي الله عنه)បានរាយការណ៍ថា:
((أنَّ رَسولَ اللَّهِ صلَّى اللهُ عليه وسلَّمَ نَهَى عن مُتْعَةِ النِّسَاءِ يَومَ خَيْبَرَ، وعَنْ أكْلِ لُحُومِ الحُمُرِ الإنْسِيَّةِ)). متفق عليه : ١٤٠٦,٤٢١٦
មានន័យថា: ” ពិតណាស់រ៉ស៊ូលុលឡោះ(ﷺ)បានហាមឃាត់អំពីនីកះមុតអះនៅថ្ងៃខ័យពើរនិងបានហាមអំពីការទទួលទានសាច់សត្វលាស្រុក(សត្វលាដែលគេចិញ្ចឹម)”។ (អាល់ពូខរី ៤២១៦, មូស្លីម ១៤០៦)
ប្រភព៖ Mosa Ahmad – الداعية موسى بن أحمد
