Share

ស៊ូរ៉ោះ អាល់អាន់កាពូត

អាលីហ្វ ឡាម មីម
តើមនុស្សបានគិតថា គេនឹងទុកចោលពួកគេឬ ដែលពួកគេ គ្រាន់តែថាពួកយើងបានជឿជាក់ហើយនោះ ហើយពួកគេនឹងមិនត្រូវគេសាកល្បង ទេឬ?
ហើយជាការពិតណាស់ យើងបានសាកល្បងពួកទាំងឡាយ នៃជំនាន់មុន នៃពួកគេ។ រួចមកអល់ឡោះដឹងយ៉ាងប្រាកដចំពោះពួកដែលទៀងត្រង់ ហើយដឹងយ៉ាង ប្រាកដចំពោះពួកដែលភូតកុហក
ឬក៏ពួកដែលកំពុងសាងអកុសលបានគិតថា ពួក គេនឹងរួចផុតពីយើងឬ? អាក្រក់បំផុតអ្វីដែលពួកគេវិនិច្ឆ័យនោះ!
ជនណាដែល មានសង្ឃឹមចំពោះការជួបនឹងអល់ឡោះ កាលកំណត់របស់អល់ឡោះ គឺពិតជាត្រូវមក ដល់ ហើយលោកជាអ្នកឮ ជាអ្នកដឹងបំផុត
ហើយជនណាបានតស៊ូ ការពិតជននោះ តស៊ូសម្រាប់ខ្លួនឯងប៉ុណ្ណោះ។ អល់ឡោះពិតជាអ្នកមានលើសពីលោកទាំងមូល
រីឯពួកដែលបានជឿ និងបានប្រព្រឹត្តកុសលទាំងឡាយ យើងប្រាកដជានឹងលុបអំពីពួក គេ នូវអកុសលៗរបស់ពួកគេ ហើយយើងប្រាកដជានឹងជូនរង្វាន់ទៅពួកគេ នូវកុសល បំផុត ដែលពួកគេធ្លាប់បានប្រព្រឹត្ត
ហើយយើងបានដាក់បង្គាប់ទៅមនុស្ស ឱ្យកត្តញ្ញុតា នឹងមាតាបិតារបស់គេ ហើយប្រសិនបើលោកទាំងពីរបានបង្ខំអ្នក ដើម្បីឱ្យអ្នកស៊ីរិក នឹងយើង នូវអ្វីដែលអ្នកមិនដឹង ពេលនោះចូរអ្នកកុំប្រតិបត្តិតាមលោកទាំងពីរ។ ឆ្ពោះ ទៅកាន់យើង គឺជាកន្លែងត្រឡប់របស់ពួកអ្នក រួចមកយើងនឹងជូនដំណឹងទៅពួកអ្នក នូវអ្វីដែលពួកអ្នកធ្លាប់បានប្រព្រឹត្ត
រីឯពួកដែលជឿ និងបានសាងកុសលទាំងឡាយ យើងប្រាកដជានឹងបញ្ចូលពួកគេទៅក្នុងពពួកអ្នកកុសល
ក្នុងចំណោមមនុស្សមាន អ្នកនិយាយថា យើងបានជឿនឹងអល់ឡោះហើយ លុះកាលណាគេបានធ្វើទុក្ខបុកម្នេញ ដល់គេក្នុងរឿងអល់ឡោះ ជននោះបានចាត់ទុកការសោកសៅអំពីមនុស្ស ដូចជា ទណ្ឌកម្មអំពីអល់ឡោះដែរ។ តែបើជំនួយមួយមកពីម្ចាស់អ្នកបានមកដល់ ពួកគេប្រាកដ ជានឹងនិយាយថា ការពិតពួកយើង គឺជាអ្នករួមជាមួយពួកអ្នកដែរ។ តើអល់ឡោះពុំមែន ដឹងបំផុត នូវអ្វីដែលមាននៅក្នុងទ្រូងទាំងឡាយរបស់លោកទាំងមូលទេឬ?
Load More

ជ្រើសរើសស៊ូរ៉ោះ

ដៃគូរបស់យើង: