ស៊ូរ៉ោះ ណូហ៍

ពិតប្រាកដណាស់ យើងបានបញ្ជូនណូហ៍ទៅកាន់ក្រុមមនុស្សរបស់គេដោយថា ចូរអ្នកព្រមាន ក្រុមមនុស្សរបស់អ្នក មុននឹងទណ្ឌកម្មមួយដ៏ខ្លោចផ្សាបំផុតនឹងមកដល់ពួកអ្នក

71:2

ណូហ៍បាននិយាយ ថា ឱក្រុមមនុស្សរបស់យើង! ការពិតយើងគឺជាអ្នកដែលព្រមានម្នាក់ដ៏ជាក់ច្បាស់សម្រាប់ពួកអ្នក

71:3

ចូរពួកអ្នកប្រណិប័តន៍អល់ឡោះ និងឱ្យគោរពកោតខ្លាចលោក ព្រមទាំងឱ្យពួកអ្នកគោរពតាមយើង

71:4

លោកនឹងអភ័យទោសឱ្យពួកអ្នកពីបាបកម្មទាំងឡាយរបស់ពួកអ្នក ហើយលោកនឹងពន្យារឱ្យពួក អ្នករហូតដល់អាជ្ញាយុកាលមួយដែលគេកំណត់។ ការពិតអាជ្ញាយុកាលរបស់អល់ឡោះ កាលណា បានមកដល់ គេនឹងមិនពន្យារឡើយ ប្រសិនបើពួកអ្នកដឹង

71:5

ណូហ៍បានពោលទៀតថា ឱម្ចាស់ របស់ខ្ញុំ! ការពិតខ្ញុំបានអំពាវនាវក្រុមមនុស្សរបស់ខ្ញុំ ទាំងយប់ទាំងថ្ងៃ

71:6

ការអំពាវនាវរបស់ខ្ញុំ មិន កើនចំរើនចំពោះពួកគេទេ មានតែរត់កាន់តែឆ្ងាយ

71:7

ហើយការពិតខ្ញុំនៅរាល់ដង ដែលខ្ញុំបាន អំពាវនាវពួកគេ ដើម្បីឱ្យលោកអភ័យទោសឱ្យពួកគេ ពួកគេក៏បានដាក់ម្រាមដៃរបស់ពួកគេទៅក្នុង ត្រចៀករបស់ពួកគេ ពួកគេក៏បានគ្រលំគ្របសំលៀកបំពាក់របស់ពួកគេ ហើយពួកគេបានរឹងរូស និង វាយប្ញកក្អេងក្អាង

71:8

ក្រោយមក ខ្ញុំក៏ពិតជាបានអំពាវនាវពួកគេដោយចំហ

71:9

ក្រោយមក ខ្ញុំពិតជា បានប្រកាសប្រាប់ស្តែងៗទៅពួកគេ និងបានប្រាប់ស្ងាត់ៗទៅកាន់ពួកគេ

71:10

បន្ទាប់មកខ្ញុំក៏បាននិយាយ ទៅកាន់ពួកគេថា ចូរពួកអ្នកសុំអភ័យទោសទៅម្ចាស់ពួកអ្នក លោកពិតជាអភ័យទោសឱ្យបំផុត