ស៊ូរ៉ោះ អាន់ណះល៍

បញ្ជាការរបស់អល់ឡោះបានមកដល់ ដូច្នេះហើយ ពួកអ្នកមិនបាច់សុំឱ្យវាឆាប់ដល់ទៀតទេ។ មហាបរិសុទ្ធលោក ហើយលោកមានឧត្តមភាពលើសពីអ្វីដែលពួកគេធ្វើស៊ីរិក

16:2

លោកដាក់ ចុះនូវម៉ាឡាអ៊ីកាត់ទាំងឡាយ ដោយព្រលឹង(វ៉ាហ៊ី) នៃបទបញ្ជារបស់លោកទៅលើជនណាដែល លោកប្រាថ្នា ក្នុងចំណោមពួកដែលគោរពលោក ចូរពួកអ្នកដាស់តឿនថា ការពិតគ្មានម្ចាស់ ណាមួយក្រៅពីយើងទេ ដូចនេះ ចូរពួកអ្នកកោតខ្លាចយើង

16:3

លោកបានបង្កើតភពមេឃ ទាំងឡាយនិងដីដោយសច្ចៈ។ ហើយលោកមានឧត្តមភាពលើសពីអ្វីដែលពួកគេស៊ីរិក

16:4

លោក បានបង្កើតមនុស្សពីសុក្កាណ្ឌ(ទឹកកាម)មួយតំណក់ រួចមក គេក៏ក្លាយជាអ្នកដែលជំទាស់ម្នាក់ដ៏ ច្បាស់ក្រឡែត

16:5

ហើយសត្វពាហនៈទាំងឡាយ លោកបានបង្កើតវា។ សម្រាប់ពួកអ្នក នៅ ក្នុងសត្វទាំងនោះ មានកំដៅជាសំលៀកបំពាក់ និងអត្ថប្រយោជន៍ជាច្រើន ហើយមានខ្លះទៀត ពួកអ្នកបរិភោគ

16:6

ហើយនៅសត្វទាំងនោះ គឺមានសោភ័ណភាព ដែលសម្រាប់ពួកអ្នកនៅ ពេលដែលពួកអ្នកដឹកវាយកមកសម្រាក និងនៅពេលដែលពួកអ្នកព្រលែងវាទៅវាលស្មៅ

16:7

ហើយឱ្យសត្វទាំងនោះនឹងដឹកជញ្ជូនបន្ទុកធ្ងន់របស់ពួកអ្នក ឆ្ពោះទៅកាន់ ប្រទេសមួយ ដែលពួកអ្នកមិនអាចទៅដល់ប្រទេសនោះបានទេ ក្រៅពីការ លំបាកលំបិនផ្ទាល់ខ្លួន។ ម្ចាស់របស់ពួកអ្នក គឺពិតជាមហាករុណា អាណិត អាសូរបំផុត

16:8

ព្រមទាំងសេះ សេះទេស ហើយនិងសត្វលា ដើម្បីពួកអ្នក នឹងជិះសត្វទាំងនោះ ហើយបរសំញែង។ ហើយលោកបានបង្កើតទៀតនូវ អ្វីដែលពួកអ្នកមិនបានដឹង

16:9

ហើយនៅលើអល់ឡោះគឺផ្លូវកណ្តាល ហើយ ចំណោមនោះមានផ្លូវចាកឃ្លាត។ ប្រសិនបើលោកមានបំណងប្រាថ្នា គឺ លោកប្រាកដជាបានមគ្គុទ្ទេសពួកអ្នកទាំងអស់គ្នា

16:10

លោកដែលបានបង្អុរ ភ្លៀងពីមេឃ។ ពួកអ្នកអាចផឹកនៃទឹកភ្លៀងខ្លះ ហើយនៃទឹកភ្លៀងក៏ពួកអ្នក អាចនឹងលែងសត្វឱ្យស៊ីស្មៅដែរ